溫碧霞開拍大陸古裝劇《丑妃駕到》病倒
老公、仔仔飛到貴州探班 幸福甜蜜
轉載自: Star.Starphoto、Jolly的今日星蹤, 查看全部相片請前往:
溫碧霞(Irene)在貴州逗留了一個月拍攝大陸古裝劇《丑妃駕到》，日前拍攝煞科戲，老公Kenny及仔仔Xavier專程飛到貴州陪Irene探班陪她拍攝煞科戲，十分甜蜜幸福。
Irene甜絲絲表示：「Kenny同Xavier逗留咗三日，陪我拍完煞科戲後，我再同佢地一齊留低四處遊覽觀光，因為仔仔放緊暑假，佢話好想陪我拍戲，所以Kenny特登攞假帶仔仔飛嚟，佢地兩個嚟到好鍾意貴州，所以同佢地一齊四圍遊覽玩下，我地好少一家三口去大陸玩，今次非常難得，佢地玩到好開心，仲愛上貴州添。」
貴州天氣相當炎熱，再加上穿古裝，Irene早前幾乎熱到中暑，發燒感冒了幾天，幸有帶備藥物在身，導演也給她休息，病了一天火速痊癒，第二日隨即繼續開工，會不會怕了夏天接拍古裝戲？她表示不會，只要劇本好，角色有發揮，更笑言熱到中暑也值得。
在《丑妃駕到》中，Irene演反派「高太后」，戲份相當重要，「高太后」角色性格與她本身溫柔性格很大差別，她表示正因與平時的自己完全不同，演得十分過癮，想要嘗試一下突破自己。
沒有留言:
發佈留言