陳小春代言CANON EOS 80D

陳小春代言CANON EOS 80D

為圓導演夢  影相、拍片打好基礎

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=26530

 

 

陳小春近日忙到連老婆應采兒都唔認得，既要做全新單曲《主題曲》宣傳活動，又忙於內地《歲月友情演唱會》巡迴演唱，在內地人氣爆燈的陳小春，繼早前和古惑佬五兄弟一起為上海大眾汽車Skoda Yeti代言後，又被國際相機品牌Canon睇中，擔任EOS 80D代言人，可以說是豬籠入水。

 

早前小春專程抽空拍攝Canon廣告相，小春透露私下的自己很喜歡拍照，尤其是拍家人和朋友，他說：「將屋企人、朋友共處o既一刻用相片紀錄低，對於我嚟講係一種享受。」小春心底其實還有一個導演夢，但至今還未有機會達成這個夢想，他說：「如果你問我唱歌、演戲之外仲想做啲乜，就一定係做導演，之前我冇乜點提過，係因為覺得未係時候，仲要收集多啲素材。我平時得閒就會用單反影下相、拍下片，當係實習住先！」

 

廣告相商要求小春入廚，並用相機拍下自己的製作的菜餚，他說：「其實我唔係太鍾意煮飯，因為唔叻，但今次拍廣告都應承咗煮，因為就算煮得唔好，影出嚟都唔會太差，哈哈！」原來平時小春偶爾都會煮飯給太太吃，試過煎牛扒慰勞應采兒，太太更讚小春廚藝了得，不過小春則謙虛表示，自已的廚藝和應爸爸相差太遠，他說：「我平時唔多煮飯，因為我外父煮o既飯真係冇得彈，有外父喺度，我就無謂獻醜啦。不過有時老婆叫到我都會煮，有機會我想學蘭州拉麵，可以整畀個仔帶返學校食。」

 

為拍攝廣告相，陳小春還去了街頭影人玩滑板，捕捉板仔們飛躍起來的動感一殺那，小春影相之餘自己也貪得意試玩滑板；另外小春還去了位於觀塘的Hidden Angenda 拍攝，這裡是小眾獨立音樂表演場地，常聚集著最地道、最統正的香港地下樂隊，對於喜歡音樂的小春來說，當然是樂意之至，還把握機會和現場樂隊交流了一番。

 

 

圖片說明：

1.    陳小春稱自己廚藝麻麻，尤其是不能和外父相比。

2,3,4.在街頭捕捉板仔們玩滑板的動感相片，陳小春自己也玩埋一份。

5,6. 陳小春趁拍廣告之的機會，和現場樂隊交流一番。