周啟生激讚新人黃宇希，比賽歌手都未必有咁好

周啟生激讚新人黃宇希，比賽歌手都未必有咁好

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=11076

 

 

周啟生同林志美,郭秀雲等於九展演出《木匠樂隊主音Karen Carpenter逝世30年紀念演唱會》，同場演出仲有在電影《狂舞派》的主唱新人黃宇希，周啟生對佢有讚無彈：「之前有啲言論話我唔鍾意新人，唔好信，唔係真。」

 

演唱會完結後接受訪問時周啟生話自己非常欣賞黃宇希：「之前我見佢喺蔡楓華個騷上唱梅艷芳啲歌，但表現唔係好出，點知喺網度睇佢唱到好似Tina Turner咁勁，所以今晚我都叫佢唱啲專長嘅歌。」

 

係咪用行動反駁之前唔支持新人嘅言論？周啟生話：「一向都支持，講過唔再講，每個月我都做緊支持後輩，難得搵到有實力嘅人，比賽歌手都未必有咁好。」會唔會收佢做徒弟？周啟生話呢啲遲啲先講。

至於黃宇希則表示今年是感恩的一年，由電影主題曲主唱到紀念演唱會的演出嘉賓，感謝公司一直給予機會與支持，現正籌備明年推出個人專輯，希望大家繼續支持。