google (Jolly1)

Google (Jolly2)

Google (Jolly 3)

2026年11月16日星期一

真人騷戀綜《女神配對計劃2》 逢周日晚8點半翡翠台播映

 
真人騷戀綜《女神配對計劃2》 逢周日晚8點半翡翠台播映
《女神2》單對單甜蜜約會頭炮 Mandy東東甜蜜約會照曝光獲讚極合襯
為東東願意循序漸進拉距1500公里之遙 Mandy懂為男方著想獲讚成熟得體:又靚又有主見又搞笑
為愛克服畏高坐摩天輪勁Cute 東東無悔為來港陪Mandy推掉工作
說到做到獲讚真男人 東東:兩個人一起努力了,就會有變化
Ice因Preston首嘗「醋意」終開竅明白阿Ju苦況 認真承諾將來會做得更好
女神「甜笑」回應復合有望?阿Ju一句話盡顯善解人意一面
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=56297
https://jollyc.blogspot.com
 
 
(2026年11月16日)由「金牌媒人」林盛斌(Bob)主持的TVB戀愛真人騷《Funki Finance呈獻:女神配對計劃2》,逢周日晚八點半翡翠台播映。(15日)播出的《女神2》,6位女神(排名不分先後):何沛珈(Roxanne)、陳若思(Amber)、郭珮文(Juliana)、阮嘉敏(Mandy)、俞可程(Kanis)及陳星妤(Yvette)分別與方智弘(Oscar)、吳兆麟(Alan)、俞鋆瑞(Ice)、吳旭東(東東)、侯建民(Zico)及關經翰(Oswald)在「玻璃水世界」面前紮營過夜。不過原來除了過夜,今集還有Mandy與東東的甜蜜約會直擊!
 
Mandy東東齊齊講到喊
Mandy與東東這一對自《女神2》播出後大受歡迎,由於二人生活地相距接近1,500公里,故即使互有好感,遙距戀愛仍是最大考驗。今集,Mandy承認之前一直逃避面對相關問題:「我一直沒有提出要怎麼解決,是因為我不想逼你,你本來就在西安生活,朋友、家人,工作都在西安,如果我直接問你過來香港可以嗎,我就覺得很自私。」並謂當得悉東東有想過如何實際拉近大家之間距離後,頓時感到激動又踏實,Mandy:「佢有好認真咁諗過,我覺得好好。」Mandy的設身處地及體貼,獲網民大讚大方得體:「好為人著想,唔港女,真心正」、「又靚又有主見又搞笑」、「外表靚又有有趣靈魂」、「思想好成熟」。
 
東東強調甘願為Mandy付出:我希望她不要內疚
原來東東為了多陪Mandy,不但犧牲了在西安的短劇工作,也少了時間陪伴患病母親,更因擔心媽咪一度在錄影期間落淚;為此Mandy大感內疚,但東東卻溫柔地安慰Mandy不要內疚,並強調一切都是他自發和自願,又透露媽咪很支持他參加《女神2》勇敢追愛:「我媽一直非常支持我追Mandy。」東東最後深情又成熟地向Mandy大派定心丸:「距離是個問題,但我覺得很多東西是可以解決的,雖然很多東西趕不上變化,但兩個人一起努力了,還是會有變化的。」感性的Mandy,與東東聊天時一度講到眼濕濕,易喊的東東更講到落淚,互動真摯,場面令人動容。
 
東東與Mandy的浪漫約會是摩天輪,感人的是,東東雖然畏高,但為了給予Mandy美好回憶,還是硬著頭皮「衝上雲霄」,還承諾下次帶Mandy坐上西安的摩天輪。摩天輪上,東東不是捉緊Mandy、就是攬實條柱「定驚」,Mandy則不斷鼓勵他「動起來」看風景,互動搞笑。雖然心驚驚,但東東還是捉緊機會單刀直入:「你喜歡無微不至的照顧或是幽默?」明顯是試探Mandy喜歡Hepta還是自己的類型,Mandy聞言「識趣」地指自己較喜歡有幽默感的:「因為我唔係小朋友喇嘛,我諗係唔同年紀嘅唔同需要。」又大讚東東安排的摩天輪約會很浪漫:「可以同佢分享我由細到大成長嘅地方,其實我都幾開心」、「拍拖就係想要呢啲嘢,當下嘅感覺好真實,係好值得擁有嘅回憶。」
 
東東送公仔替代自己陪Mandy極浪漫
坐完摩天輪後,東東應Mandy要求走去「掟公仔」,成功為Mandy贏得一孖「卡皮巴拉」,並搞笑以「拉麵」及「筷子」命名,逗得Mandy笑逐顏開,東東事後自豪謂,公仔是他與Mandy之間的浪漫連結:「我希望她看到玩偶就會想到我。」難怪Mandy透露半張床都堆滿東東送的公仔。節目還加插了東東Mandy當日的甜蜜約會照,網民指二人襯到絕之餘,又大讚二人都有努力經營關係,及東東夠晒真性情:「最睇好嘅一對」、「兩個都是真心會為對方考慮的人,希望得到愛神眷顧」、「東東真是好男人」。
 
Ice愛的承諾:我想呵護你
另一Pair致力於單獨約會解決問題的,還有舊情人阿Ju和Ice。由於在水上遊戲時,Ice與Yvette走得太近令阿Ju呷乾醋,但亦因如此,阿Ju驚覺自己仍對Ice有「強烈感受」,故才選他作進一步相處及了解。雖然阿Ju表明現時身份不適宜質疑Ice與其他女性相處方式,但峰迴路轉的是,Ice在水上遊戲看到阿Ju首選Preston時,終首度打開「呷醋之門」並設身處地明白阿Ju,為二人糾結多時的問題迎來轉機:「Maybe in the future, I try to do better,不想再讓你感受到這些,I want you to be happy。」看到Ice因自己感到呷醋及終於開竅,阿Ju忍不住得戚甜笑,但期間仍不忘強調「I don’t want to stop you from being you」,盡顯善解人意一面,但同時亦一再坦白自己對安全感的看法:「我也很希望有一種特殊感,就是我想他對他的朋友都很好,但對我要更加好。」Ice也同時認真表達了對阿Ju的重視,並再度承諾會解決問題:「從第一天到最後一天,都是對你跟別人不同,我想呵護你,我想讓你高興,that's a problem I really need to get over,I can do better。」
 
想知道更多相關精彩資訊,敬請留意 www.tvb.com














































真人騷戀綜《女神配對計劃2》 逢周日晚8點半翡翠台播映

 
真人騷戀綜《女神配對計劃2》 逢周日晚8點半翡翠台播映
《女神2》四角關係大洗牌
Oscar主動出擊約會Roxanne冧到爆 輕鬆自在互動獲讚「打打鬧鬧好有CP感」:極似情侶未一齊之前嘅曖昧互窒I人Zico超深情告白「就算只有一絲希望,我都想試埋今次」搞喊Kanis
情深專一忠誠人設一夜爆紅 網民洗版式集氣加油:Zico you are a real Man
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=56296
https://jollyc.blogspot.com

 
(2026年11月16日)由「金牌媒人」林盛斌(Bob)主持的TVB戀愛真人騷《Funki Finance呈獻:女神配對計劃2》,逢周日晚八點半翡翠台播映。(15日)播出的《女神2》,6位女神(排名不分先後):何沛珈(Roxanne)、陳若思(Amber)、郭珮文(Juliana)、阮嘉敏(Mandy)、俞可程(Kanis)及陳星妤(Yvette)分別與方智弘(Oscar)、吳兆麟(Alan)、俞鋆瑞(Ice)、吳旭東(東東)、侯建民(Zico)及關經翰(Oswald)在「玻璃水世界」面前紮營過夜。
 
OR CP四眼素顏Look獲讚「好睇過平時化妝」
今集焦點,絕對是Roxanne、Kanis、Oscar及Zico的四角關係。先說Roxanne和Oscar,還未入夜已以「四眼素顏」Look相對的二人,連對話也是無遮無掩,Oscar如實攤出對Roxanne的三大心動Moment,分別是「電話亭」、「水上滑梯爆喊事件」及「失驚無神食蘋果」,從而得出大家相處舒服、Roxanne擁有有趣及率真靈魂,全是自己覺得有趣的特質:「畀著其他人,可能覺得佢好奇怪,但老實講對我係覺得幾好笑,幾開心。」三件事令Oscar最難忘的,竟是Roxanne瀡滑梯爆喊事件:「好深刻真係,因為我覺得拍緊嘢架,咁多人喺度…」對於Oscar睇法,Roxanne事後坦言「估你唔到」:「原來佢同我都幾奇怪。」
 
除坦承心動,Oscar還一改被動怕醜性格,主動邀請Roxanne約會:「節目組話可以畀我邀請女神約會一日,我喺呢度誠意邀請你一齊去玩一日,想了解多啲,咁你點睇呢單嘢?」冧爆的Roxanne即爽快答應:「去呀,去呀,去吖!」不過由於二人均有點無聊愛玩,最終單是到時玩唔玩機動遊戲都拉鋸一番,一個踩人細膽,一個又堅稱自己好Tough,「槍來劍往」夾到冇朋友,Oscar事後首次主動表示心儀女神已有方向:「其實由我同Roxanne過夜嗰吓開始,我個心就偏向佢喇已經。」
 
由於Oscar Roxanne相處輕鬆、舒服又搞笑,不少網民都支持二人進一步了解:「好好呀,感覺到佢哋相處好舒服」、「佢哋幾夾」、「佢哋相處好自然,唔造作」、「極似情侶未一齊之前嘅曖昧互窒」、「Oscar終於放鬆到」、「兩個都有嗰句講嗰句」、「鍾意佢哋會寸」、「真係有粉紅泡泡喎」、「其實何小姐講嘢幾搞笑吖」、「佢哋真係輕鬆自在喎」、「呢啲先係年輕人嘅拍拖模式,咁樣先好玩」、「打打鬧鬧好有CP感」、「覺得佢哋好啱Key」;還有網民指素顏的二人好睇過「平時化妝個樣」,相信兩位主角知道一定好開心。
 
至於另一對Kanis與Zico則似乎仍充滿變數。強調心目中仍未有「任何答案」的Kanis,爭取過夜獨處時間了解Zico鍾愛自己原因,Zico攤出「心跳電話亭」看到她甜對Oscar時打擊極大、更曾萌生退賽念頭;另Zico亦明確地道出了作為超I人的自己,參加《女神2》完全是為了Kanis:「其實我參加呢個節目係好冇信心,好驚架。(有乜驅使你咁驚講嘢都嚟參加?)就係因為你咯,我見到你有種好特別嘅感覺,所以我都唔理我講嘢得唔得,點都好我想(參加節目)試咗先。」
 
Kanis因Zico一句「放棄其實好容易」但卻依然未放棄大為感動
Zico續指自「電話亭」沉痛一役,已「講多咗好多嘢」,並開宗明義是為Kanis而去改變,Kanis事後坦言深受感動:「之前我都有啲唔相信,當佢再次肯定係為我而嚟,我都有啲感動。」當聽到Zico有退出《女神2》念頭時,Kanis更一度哭成淚人,「直男」Zico即抓緊機會表述不想放棄的決心,說時眉頭深鎖、煞是認真:「我覺得放棄一樣嘢好容易,但我唔係好鍾意放棄,就算只有一絲絲嘅希望,我都真係想試埋今次。」 堅持的決心令Kanis再度大受感動:「『放棄其實好容易』,我畀佢呢句說話感動咗嘅。」
 
網民讚Zico夠晒義無反顧
對於二人後續發展,網民充滿期待,對於Zico深情專一人設更是讚不絕口,紛紛留言加油為Zico集氣,著Zico不要放棄:「Zico條件好好」、「專一男人唔係成日有」、「Zico老實又成熟,值得過人世」、「好真誠」、「呢對都襯」、「對話夠晒真情流露」、「Zico真的值得一個機會」、「Zico is a very nice loyal man」、「Zico對住喜歡嘅人義無反顧」、「Zico you are a real Man」。
 
想知道更多相關精彩資訊,敬請留意 www.tvb.com