《魔髮精靈：夾BAND天團》x 黃埔天地 首映禮

 
《魔髮精靈：夾BAND天團》x 黃埔天地 首映禮
“Trolls Band Together”
三度興奮 11月23日 炸爆戲院
粵、英語配音 
Gin 李幸倪 X 林奕匡 與角色一同成長 半日完成配音
廖子妤首次為動畫聲演 被姊妹情感動
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=50759
https://jollyc.blogspot.com
 
 
（即時發布）
環球影業發行、夢工場動畫炮製大電影《魔髮精靈：夾BAND天團》(Trolls Band Together) 屬系列全新第三集，原裝英語版Anna Kendrick 聯同Justin Timberlake 回歸獻靚聲；本地粵配版除了上兩集火花四射的李幸倪（Gin Lee）、林奕匡（Phil）人氣掌舵聲演「寶寶」和「阿班」外，更請來廖子妤（Fish）和周祉君好戲加持，為觀眾迎接連場充滿動感的勁歌熱舞彩虹之旅！
 
與第一集相隔 7 年，唔經唔覺來到電影系列的第3集《魔髮精靈：夾BAND天團》，是日在黃埔天地舉行首映禮，Gin同Phil 再次合作為電影配音。二人提到 7 年前其實也是第一次為動畫配音，Gin表示：「當然係好開心！除咗配音，《魔髮精靈》咁多集都分別會有唔同主題，帶俾觀眾快樂、感動。重記得當年第一次配音，用咗好幾日時間先完成，來到今集大概半日就配好，感覺到自己有進步；而寶寶（配音的角色）由第一集要人抱抱、到第二集講共融，來到今集講親情⋯⋯希望呢個故事可以繼續落去，睇到寶寶結婚生BB，都希望有機會一路配落去！」Phil接續說：「係超開心呀！可以繼續為阿班（配音的角色）配音，唔覺意就7 年，嚟到第三集，有共同成長嘅感覺！」至於新加盟《魔髮精靈》這個大家庭的Fish，更是她入行以來首次為電影配音！「第一次幫電影配音覺得好好玩，一路配嗰時好似同花花（配音的角色）一齊冒險，要大嗌、大笑等等，好有趣！」
 
如Gin所講，每集《魔髮精靈》都圍繞不同主題，帶出不同的信息，今集所提及的正是親情、兄弟姊妹情！現實生活中有 2個親妹妹的Fish 和有 1個親姐姐的Gin在戲中分別聲演失散多年的姐妹花花和寶寶，兩人基於自己的成長背景，對今集特別有共鳴，聲演姐姐花花的Fish 表示：「我有 2個親細妹，感情一直好好，特別同大妹年紀較近，細個一直都係"雞啄唔斷"，兩個妹細個時礙於我威迫之下，成日要陪我玩角色扮演，更喺屋企扮露營；所以今集講到花花遇番寶寶之後又會幫佢紮頭髮，又會為咗妹妹而跳出自己嘅安全地帶，轉換係我都一樣會為妹妹咁做！」至於同戲中一樣都係妹妹的Gin，同樣覺得今集好有共鳴。「細個同姐姐會一齊唱歌、玩，同埋我地臨瞓前會互相講故事俾大家聽，都會一齊迷偶像同聽歌，直到而家同屋企人關係都係好close！」 而戲中聲演最細佬的Phil，現實中亦是弟弟，他說：「我好開心有個哥哥，一直以嚟佢都係我嘅榜樣，多數都係佢takecare 我！而離鄉別井喺香港，我都好慶幸有班兄弟陪伴，除咗打波、吃喝玩樂，有事嘅時候都係義無反顧，好似之前我要搬屋，佢哋知道就即來幫手，當然同樣地我都會咁對佢哋！」
 
《魔髮精靈：夾BAND天團》今個秋天繼續以新舊經典流行歌曲貫穿全片，又唱又跳賣狂笑！將於11月23日粵、英語配音版同步上映！
 
 
故事大綱：
寶寶（Poppy）和阿班（Branch）由好友發展成為情侶後，她更發現對方有著不為人知的過去—— 阿班曾經是她最喜歡夾BAND男團BroZone 的一員，還有四個兄弟：阿發（Floyd）、莊道理（John Dory）、史詩（Spruce）、阿奇（Clay）。可惜當阿班還是個小孩時，BroZone就解散了，從此阿班也再沒有見過兄弟幫。
 
來到今日，兄弟幫之阿發因出色音樂天賦，而被一對邪惡流行歌星惡棍菲凡（Velvet）和菲尼（Veneer） 綁架，寶寶和阿班唯有聯手出動，長途跋涉、千辛萬苦拯救阿發出來讓兄弟重聚，令音樂精神得以最勁延續⋯⋯