NBA香港嘉年華2018

NBA香港嘉年華2018

人氣樂隊Supper Moment 旺角High爆演唱

波鞋街搖身一變成為NBA賽事場地

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=36264

 

 

[2018年2月18日，香港] – 由美國職業體育聯盟NBA主辦的「NBA香港嘉年華2018」活動已經舉行得如火如荼，為香港球迷送上足本一個月免費任睇NBA球賽。即日起至3月9日（週五），只要登入NBAHKCarnival2018.com，即可觀賞NBA常規賽事直播及回放，更將直播重量級體壇盛事－NBA全明星週末，同全港市民一齊共慶新年，享受刺激爽快嘅籃球賽事！

 

為左令全港市民都感受到呢股NBA嘅強勁熱潮，NBA特別喺2月18日及19日（初三及初四），喺旺角奶路臣街The FOREST商場地面舉行一連2日「NBA香港賀年派對2018」，今日嘅重頭戲當然就係大熱樂隊－Supper Moment 現場壓軸演唱啦，活動期間更有球賽必食熱狗及爆谷派發，迅即將旺角街頭搖身一變成為NBA賽事場地。

 

擔任壓軸表演嘉賓嘅人氣樂隊Supper Moment，一上台即刻同現場觀眾拜年，祝大家新年進步，而一向有睇開NBA 賽事同打籃球嘅佢地亦同現場觀眾分享自己支持嘅NBA 球隊同埋練波嘅點滴，令大家認識到夾band以外嘅Supper Moment。期間，Supper Moment 為台下觀眾演繹連串精彩金曲，掀起全日嘉年華嘅高潮，迅即令全場High 爆，觀眾聽到熱血沸騰；而表演過後四子更送贈NBA新年小狗公仔比台下嘅幸運觀眾，並同得獎fans影合照，親密互動，炒熱全場氣氛，台上台下氣氛打成一片，波鞋街瞬間變成一個小型音樂會。