銀幕情侶合體搵真銀

銀幕情侶合體搵真銀

陳豪為仔女保衛聖誕傳統 李佳芯交換禮物常抽中自己

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=35374

 

 

【2017年12月7日】陳豪與李佳芯今天晚上（12月7日）以《誇世代》情侶檔出席活動，為丹麥珠寶品牌PANDORA當客席店長，二人穿上充滿節日氣氛的情侶裝，與顧客分享送禮心得，並透露今年聖誕將如何渡過。

 

陳豪及李佳芯充當PANDORA客席店長令店鋪內外人頭湧湧，場面墟冚。貴為師奶殺手的Moses及被網民選為最佳女朋友的Ali落力做好店長本份，除了推介合適的珠寶首飾外還跟顧客合照，火速做成生意零難度！

 

司儀梁嘉琪問到二人將如果渡過聖誕，Moses說：「今年我會同老婆同三個小朋友一齊係屋企食聖誕大餐，我上星期已經準備咗一棵好大嘅聖誕樹，叫囝囝囡囡幫手掛啲裝飾上去，我會話俾佢哋知聖誕老人會送禮物俾乖嘅小朋友，所以佢哋宜家每日都好期待，我呢個父親聖誕老人應該都可以扮多三兩年嘅，我相信等佢哋再大啲就自然知道其實啲禮物係爸爸媽媽送㗎啦。」曾經於澳洲生活的Moses也非常重視聖誕節：「我一向好重視聖誕節日, 不過以前一直身處澳洲, 而澳洲嘅聖誕節就係一啲都唔凍囉，我心目中覺得聖誕節是一定要落雪的, 所以希望遲啲有機會可以成家人一齊去雪地過一個真正白色嘅聖誕啦。」而李佳芯由於剛剛開新劇《BB來了》，所以今年應該都要工作中渡過：「我聖誕節最鍾意成班朋友交換禮物，希望今年可以提早或者後補慶祝啦，我交換禮物好多時候都會抽返自己果份㗎，所以依家買禮物都係買自己鐘意嘅嘢囉。」

 

對於送禮物心得，陳豪認為送珠寶給女士最好不過：「我覺得珠寶最能夠代表女性嘅獨特之處，多啲款式仲可以襯出唔同嘅style添。」李佳芯亦非常同意：「係呀，送首飾就最好啦，好多時候送禮物俾媽咪或者朋友我都會考慮頸鏈同手鏈，同埋宜家可以有唔同主題嘅串飾自由配搭，可以因應唔同嘅人打造獨一無二嘅首飾。」

 

同場還有稱兄道弟經常相約打波做運動的龐景峰及楊柳青，對於今年聖誕節，二人不約而同說：「好想去外國過一個白色聖誕節！」楊柳青：「不過近排忙緊《溏心風暴3》嘅宣傳，嚟緊仲有我第一次擔正嘅電影《入鐵籠》要上，所以都要睇下就唔就到假先得。」而龐景峰說12月將非常忙碌：「年底仲有兩套戲趕煞科，會去佛山同北京拍，同埋以前我係英國同美國讀書，所以都好小同屋企人過聖誕，難得可以係香港我都想同屋企人過，同埋聽講迪士尼樂園啲假雪好有氣氛，好希望可以同屋企人一齊喺迪士尼過聖誕。」