資料來源

2015年11月15日星期日

劉心悠及丁子高在廣告片中跳芭蕾舞及耍太極

劉心悠及丁子高在廣告片中跳芭蕾舞及耍太極
轉載自: Star.Starphoto、Jolly的今日星蹤
 
 
琴日,喺facebook上有一段七秒鐘嘅片,片中見到出哂名鍾意做運動嘅心悠BB喺度跑步同跳芭蕾舞;另一邊廂今日喺facebook又有另一條片,見到阿丁丁子高跑山同埋施展佢嘅太極手。佢哋好似準備就緒,有一股蓄勢待發嘅氣勢,原來兩位健康潮人要肩負一個重要嘅任務,為大家帶出活出健康嘅訊息。
 
其實呢一條係「AIA Vitality健康程式」廣告嘅預告片,心悠同阿丁丁子高先前已經參加過「AIA Vitality健康程式」嘅活動,並正式成為「AIA Vitality健康程式」會員,呢個計劃透過瞭解健康、提升健康及尊享獎賞三步曲,推動佢哋更積極投入健康生活,而且仲進一步帶起健康潮流。
 
心悠BB話今次拍呢條片好開心,因為片中其中一幕佢要跳芭蕾舞,由於當年佢為咗方便拍戲去咗學芭蕾舞,今次可以將舞技派上用場,好有滿足感!而丁子高拍攝時仲搵埋班friend一齊參與,一邊拍攝一邊同朋友享受做運動嘅喜悅,簡直一舉兩得!而且,阿丁仲喺片中耍太極,佢話太極可以平衡身心,絕對適合年輕人玩。
 
呢條片為新一輪嘅「AIA Vitality健康程式」宣傳攻勢拉起序幕,喺11月2日將會有一條足本版嘅60秒電視廣告喺無綫翡翠台首播,而報章雜誌和戶外廣告將會一浪接一浪推出,時刻提醒大家擁抱健康生活。
 
「AIA Vitality健康程式」廣告預告片
劉心悠版本:https://goo.gl/lfmboN

丁子高版本:https://goo.gl/S73GiU




沒有留言:

發佈留言