陳鈺芸孖杜宇航齊齊為獨居老人維修家居

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=22989

 

 

兩位武打名星陳鈺芸（JuJu）及杜宇航（阿杜）昨午於油塘為獨居老人維修家居。JuJu以紐約大學同學會會長身份，找來舊生做義工，幫長者家居髹油。JuJu笑言睇中好友杜宇航識功夫及有力氣，就邀請他來做「苦力」：「大家喺朋友介紹下認識，我地同樣打功夫又運動員，所以一拍即合！阿杜之前有請我睇首映，今日我回禮請佢幫手做義工！見他有氣有力，搵佢嚟擔擔抬抬相信無難度。（對他加分？）他高大有型靚仔。（有機會發展？）好朋友。」她自言於北京為《卧虎藏龍2》補拍鏡頭直至凌晨，缷下古裝頭後也未洗頭，48小時沒睡覺就直上飛機返港出席慈善活動，所以今日也要帶帽子出席活動。

 

同場杜宇航對於被邀請來當「苦力」，他笑謂毫不介意：「都係髹吓油，見到老人家都好開心。（老人家一個人住，屋企都好乾淨，如果你獨居都會保持乾淨？）我出外做嘢時都成日獨居，都好乾淨。」問到他平日有否獲女友胡敏珊打理家居？他即避談戀情：「要搵番個。（依家單身？）總之獨居啦，唔講喇！」