Star.Starphoto、Jolly的今日星蹤: 3月 2022

2022年3月13日星期日

人氣男團MIRROR成員Jeremy首次單飛出席活動，生日前夕現身Swarovski 與粉絲「放閃」甜蜜慶祝

人氣男團MIRROR成員Jeremy首次單飛出席活動，生日前夕現身Swarovski 與粉絲「放閃」甜蜜慶祝
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46649

鍾雨璇x高晉x陳科宜帶同愛犬現身旺角鬧市

鍾雨璇x高晉x陳科宜帶同愛犬現身旺角鬧市
出席寵物流動車活動「白雪雪」勁吸粉絲變主角
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46648

歌手鍾雨璇O3 (前名：蘇慧恩）日前與全民造星3高晉 ( Ken Law) 、陳科宜（Jin )率領一眾寵物義工，帶同寵物於停泊在旺角鬧市街頭的寵物流動車上與現場觀眾互動玩遊戲大派禮物，O3的明星愛貓「白雪雪」也有到場，搶鏡成為主角。

當日O3亦演繹了寵物書主題曲《Save a life》，高晉則獻唱《森林》一曲，藉此作為寵物書《Be my part of life 》，O3鍾雨璇表示：「天氣報告預測，當日本來全日落雨，我哋都一度擔心要唔要取消，但極好彩，嗰朝早開始到我哋準備活動，仍然滂沱大雨，我都着埋水靴出嚟諗住方便啲，點知真係好運到一個點，居然活動正式開始到完結都冇落過一滴雨，而且仲陽光普照，仲有微風，非常舒服，真係好幸運，本身都驚個活動要取消搞唔成，又驚落住雨啲寵物出嚟會唔方便，所以嗰日真係非常非常之好運！」

帶同愛犬的高晉表示：「平日我隻狗（阿B）響屋企一見到落雨就會好鬼緊張咁周圍跳彈，但係嗰日佢嘅表現真係好乖好聽話，完全冇扭計，仲要叫佢望住鏡頭，乖乖交足戲，我覺得阿B演員天份多過我！」

2022年3月10日星期四

賴彥妤牛一扮靚靚開心成立官方後援會

賴彥妤牛一扮靚靚開心成立官方後援會
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46643

參選《2021香港小姐競選》的「英國學霸」賴彥妤(Vivienna)一直狀態大勇並不停增值自己同變靚啲。雖然喺決賽前止步,但透過早前《We Miss Hong Kong STAY-cation晉級賽》的真人騷出街後盡得人緣。出街有人認得,叫佢繼續加油之外,買杯果汁都有阿姐請佢食串魚蛋。而最令Vivienna驚喜就係有忠粉由面試Day 1一直支持佢參選港姐嘅全過程,截圖製作咗個影片特輯送比佢,並為佢成立咗個官方後援會,招收忠粉一齊支持自己。Vivienna話:「覺得好Surprise,佢哋嘅舉動好warm。出活動嘅時候又幫我做埋保安咁,買埋Lunch Set比我驚我餓親。即刻好似突然多咗十幾個男朋友咁,佢哋係好sweet。」Vivienna更喺社交平台上載喺自己牛一前夕相約好友形象指導許嘉浩(Karl Hui)去醫學美容中心扮靚嘅相,表示同對方相識多年,感謝佢一直鼓勵同支持令自己內外都變得更美。Karl仲為壽星女出發生日Party前為佢大變身,化身仙氣十足嘅「選美冠軍」Look出發同一班姊妹慶祝,象徴佢係大家心目中嘅冠軍。而不斷增值自己嘅Vivienna話自己貪靚,參選時好多時都要幫自己化妝同管理好皮膚狀態,所以最近跟醫美醫生學做美容管理,樂做「醫美小助手」。Vivienna仲好識做咁回禮比Karl,幫佢做番個補水十足嘅Treatment,好似幫閨蜜扮靚咁。講到踏入27歲生日之後又大一歲有咩新方向? 佢話自己暫時把握時間報讀演藝課程學緊方法演技,其他等TVB安排。都希望拍劇,又話最近見到港姐師姐謝嘉怡加入《愛回家》劇組表示好羨慕,好想有機會參與拍劇入屋令觀眾記得自己。甚至同自己斯文形象反差大啲嘅角色或者打女都唔怕辛苦,話自己真係好捱得架。

傳承傳統文化朱紫嬈(Khloe)同粵劇新貴大鬥靚聲

傳承傳統文化朱紫嬈(Khloe)同粵劇新貴大鬥靚聲
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46642

實力女歌手朱紫嬈(Khloe)入行十一年被認定唱得之人,更有推出靚聲Hi-Fi碟。剛推出新歌的她更嘗試不同的曲風,唯一未有嘗試過傳統的粵曲。今次為宣傳資深粵劇粵曲導師黃綺雯老師將於九月份舉辦的粵曲折子戲演出,更將這傳統文化傳承到下一代。黃老師今次全程監督,安排了參與演出的年輕粵劇演員新貴林穎施、余仲欣與主唱流行曲的Khloe交換一日身份,互相交流。同場還有支持文化傳承,育有兩子的岑潔儀(Zoey)和有為粵劇新貴設計新式粵劇服的形象指導許嘉浩(Karl Hui)。一直對粵曲粵劇有興趣的Khloe表示唱流行曲和錄Hi-Fi碟有多年經驗,但粵曲的唱腔和發聲完全是另一回事,唱了多年歌也被挑戰到。相反粵劇演員新貴林穎施在交換唱Khloe的流行曲時也感到新鮮,更稱讚Khloe的聲底很適合唱粵曲。Khloe期後更跟粵劇小生沈栢銓、吳立熙學數拍及基本功,對於初體驗老師也說Khloe很快上手。最後,Khloe被年輕粵劇演員李卓敏平時演出的閃閃髮釵所吸引,即場試造型及了解花旦平常化粵劇妝的步驟。期後,天生個子高兼性格爽朗的Khloe更被反串小生的千珊點讚極具潛質任反串小生,更為Khloe試穿小生服又教他舉袖和造手。Khloe更表示覺得大家年青人平常少渠道認識粵劇的文化及由來,有感這傳統文化應該傳承下來。今次與粵劇新貴對調角色一日,以不同曲風的靚聲作交流並把影片放在網絡頻道,希望更多年青人會接觸得到。更揚言已對粵曲,尤其折子戲萌生興趣,將會上堂學藝。